Risikostyring av overflatetilstand
Beskrivelse
Manglar ved risikostyring knytt til utsett og framtidig arbeid i overflateprogram
Begrunnelse
Frå verifikasjon på anlegget og presentasjonar og samtalar i etterkant fekk vi ein oversikt over inspeksjons- og overflatearbeid som pågår på Mongstad og ein gjennomgang av overflateprogrammet meir generelt og korleis jobbar blant anna er samla per område, i tid og prioritet. Med bakgrunn i denne informasjonen er det usikkerheit om kor godt risiko for lekkasje frå utsyr i utsette og framtidige arbeidspakkar er ivareteke. Vi har forstått noverande strategi slik at avisolering og inspeksjon skjer pakkevis for å avdekke svekka tilstand og fare for ekstern lekkasje. Kritikalitet vil variere i dei områdedefinerte pakkane og den usikkerheiten som heng på enkeltutstyr og deira kritikalitet ser ikkje ut til å vere tilstrekkeleg ivareteke.
Nedanfor er konkrete eksempel på gjennomgangar av enkelttilfelle i tilsynet og i verifikasjonsdelen i styringssystemet der vi meiner det er svakheiter eller manglar ved risikovurderingar i kvart enkelt tilfelle og totalt (eksempla er stikkprøvar i løpet av tilsynet):
- Det er usikkerheiter knytt til både omfang av tidlegare strategiar for overflatevedlikehald (til dømes metode for innkapsling, kvalitet og type overflatebehandling, isolasjon, omfang av overflateprogram osv.) og kvaliteten og varigheita på det arbeidet som er gjort under tidlegare strategiar.
- Det er ein stor portefølje av inspeksjonsfunn (IPE) som vil krevje korrektive aksjonar, men det er uklart korleis dette blir koordinert mot det pågåande overflateprosjektet for å ha kontroll med risiko for ekstern lekkasje.
- Det er vanskeleg å få oversikt over midlertidige reparasjonar som er av betydning for risiko for ekstern lekkasje frå utstyr i arbeidspakkar i overflateprogrammet som ligg fram i tid.
- Det vart identifisert at det var rapportert om flensar med kraftig korrosjon. Vi fekk i ettertid oversendt meir informasjon knytt til dette. I følgje dokumentasjonen så skulle inspeksjonsarbeidet opprinneleg vore gjort i 2017, men det har av ulike årsaker blitt utsett. I tilsynet vart vi informert om at deler av dette arbeidet var utsett til stans i 2024. Det går ikkje fram av dokumentasjon vi har motteke om risikovurderingar knytt til denne beslutninga eller om ein eventuelt har prioritert å forsere utbetringa av denne før stans i 2024.
- I tilsynet var vi kort innom ei hending på anlegget 23. juli 2020 der det vart observert ein lekkasje på eit 8’’ røyr ved råoljelager CA-6004. Det vart utført sirkulasjon av råolje i røyret for å fjerne voksdanning i lageret då det vart oppdaga lekkasje frå aktuelt røyr. Det var i september 2019 avdekka svekking i isolasjon / innkapsling av røyret og det var etablert ein notifikasjon med frist for utbetring 12 månader fram i tid. Hendinga er eit eksempel på mangelfull vurdering av svekking / degradering og risiko – manglande kopling mellom overflateinspeksjon (OVI) og overflateprogram (OFP).
Det er ikkje tydeleg demonstrert for oss i tilsynet korleis ein risikovurderer flytting av arbeid fram i tid (endring av ferdigstillingsdato). I tilsynet fekk vi ikkje ei samla oversikt og synleggjering av samanhengen mellom totalmengda i overflateprogrammet og vedlikehald generelt, og korleis dette blir vurdert når ein gjer endringar i overflateprogrammet.
Hjemmel
Handtering av avvik
Beskrivelse
Manglar ved handtering av avvik knytt til endring i overflateprogram
Begrunnelse
Med bakgrunn i dokumentasjon, presentasjonar, samtalar og verifikasjonar i tilsynet observerte vi at det var identifisert arbeid i overflateprogrammet som måtte flyttast då det ikkje var muleg å gjennomføre aktuelle jobbpakkar i inneverande år. I eit statusmøte med Mongstad anlegget i april vart det presentert arbeidspakkar som ein hadde identifisert for flytting / utsetting av krav til sluttdato (required end date). I tilsynet gjekk vi inn i ei nyleg oppretta intern dispensasjonsbehandling knytt til dette arbeidet (DISP 218938). Vi gjekk og inn i ei dispensasjonssak knytt til flytting / utsetting av krav til sluttdato for arbeid i 2019 som framleis var open (DISP 176499). Vi fekk oversendt desse etter tilsynet. Vi observerer for DISP 218938 at prosessen med å behandle flytting / utsetjing av sluttdato ikkje var starta før nærmare midten av november inneverande år sjølv om det var identifisert tidlegare på året at ein planla å flytte enkelte arbeidspakkar til 2021. Vi registrerer og at for arbeidspakkar som var flytta frå 2019 til 2020 så var det berre 1 av 3 pakkar som var under gjennomføring i 2020. Vi observerte i tillegg for begge dispensasjonssaker at ein hadde samla fleire arbeidspakkar i ei sak framfor å dele dei opp. Arbeidspakkane som er samla kan ha ulik kritikalitet, prioritet, lokasjon, ferdigstilling osv.
Ut i frå gjennomgangen av dokumentasjon knytt til arbeidsmengde, flyttinga av arbeidspakkar og handtering av avvik meiner vi det er manglar ved prosessen for å flytte / utsette arbeid både med omsyn på tidspunkt for gjennomføring av avviksbehandling og handtering av fleire saker i same avvik.
Hjemmel
Oppfølging av leverandørar
Beskrivelse
Manglar ved oppfølging av leverandørar
Begrunnelse
Under verifikasjonen på anlegget ba vi om informasjon knytt til ein pågåande jobb i område B 2500. Vi spurte kva krav Equinor hadde for området med omsyn på støy frå anlegget og eigenindusert støy ved arbeid, om det var identifisert behov for spesifikke tiltak knytt til beskyttelse og opphaldstid. Vi ba og om informasjon på korleis dette var dokumentert og korleis Equinor følgjer opp dette. I tilsynet vart vi forklart at leverandør skulle ha oversikt over eventuelle tiltak ved utføringa av arbeidet. Vi har ikkje motteke informasjon om korleis det er dokumentert at tiltak er følgt og korleis Equinor har følgt opp at leverandøren under arbeid i anlegget har utført dei identifiserte tiltaka. I etterkant av tilsynet fekk vi oversendt dokumentasjon for støymålingar, arbeidsmetodar, verktøy og liknande, men vi har ikkje motteke noko som synleggjer kva konkrete tiltak eller begrensingar på til dømes opphaldstid som var sett i verk for ulike jobbar utført i området. Vi kan heller ikkje sjå at Equinor i tilstrekkeleg grad har oversikt over basislinjemålingar for personell eksponert for støy i arbeidet og mulege uønska støypåverknadar og oversikt over eventuelle kompenserande tiltak knytt til blant anna støyeksponert arbeid.
Hjemmel