Equinor har no fått samtykke til bruk av den flyttbare boreinnretninga Deepsea Atlantic til boring av tre produksjonsbrønnar.

Boringa startar etter planen i byrjinga av januar 2019, og er venta å vare i 300 dagar.

Deepsea Atlantic er ei halvt nedsenkbar boreinnretning av typen MODU GVA 7500. Innretninga vert operert av Odfjell Drilling AS. Deepsea Atlantic sto ferdig i 2009, er registrert i Noreg og har klasse i DNV GL.

Deepsea Atlantic fekk samsvarsfråsegn (SUT) frå Ptil i juli 2009.

Fram

Framfeltet ligg i den nordlege delen av Nordsjøen, 20 kilometer nord for Troll. Havdjupna i området er 350 meter. Fram blei påvist i 1990 og består av to førekomster, Fram Vest og Fram Øst. Plan for utbygging og drift (PUD) for Fram Vest blei godkjent i 2001, og produksjonen starta i 2003. PUD for Fram Øst blei godkjent i 2005, og produksjonen starta i 2006. Begge er bygt ut med to brønnrammer knytt til Troll C-innretninga. 

Kjelde: norskpetroleum.no