Handtering av avvik
Beskrivelse
Manglar ved handtering av avvik knytt til røyrventilar
Begrunnelse
Under revisjonstans i 2021 vart det oppdaga at stem på ventil 11-HV-1114 på hovudrøyret (P141) var skeiv, noko som kunne medføre at ventilen ikkje ville kunne la seg operere. Dette er første stengeventil på land og det vart vurdert at ein ikkje kunne drive vidare med denne feilen utan kompenserande tiltak. Det er vidare identifisert andre svakheiter i systemet som feil tilstand på nedstraumutstyr og ei rekke potensielle lekkasjepunkt mellom ventil 11-HV-1114 og ventil 11-ESV-1001.
Aktuator for ventilen er utkopla slik at den ikkje kan køyrast. Det var planlagt å utbetre ventilen i revisjonsstansen i 2025. I tilsynet vart vi vist dokumentasjon som forklarte kvifor Equinor meinte at dei likevel ikkje kunne gjere utbetringa i revisjonsstansen. Ut i frå det vi har blitt presentert og motteke av dokumentasjon så kan vi ikkje sjå at det er tilstrekkeleg vurdert risikoen med å fortsette med ventilen utan at den kan opererast.
Vi kan heller ikkje sjå at det i tilstrekkeleg grad er sett i verk kompenserande tiltak for at ventilen ikkje fungerer.
Hjemmel
Styrande dokumentasjon
Beskrivelse
Manglande oppfølging av styrande dokumentasjon
Begrunnelse
Som førebuingar til tilsynet fekk vi ein oversikt over styrande dokumentasjon relevant for tilsynstema. Under gjennomføringa av tilsynet vart ein del av denne styrande dokumentasjonen gått gjennom og det vart gjort verifikasjonar med bruk, oppdatering og etterleving. Verifikasjonane våre viser manglar ved oppdatering av informasjon og samsvar mellom ulik dokumentasjon. Nokre eksempel på dette er:
- Systembeskrivelse for system 18 (referanse 7 i dokumentlista)
- Vi observerer at dokumentet er oppdatert i 2025, men det er manglar og feil informasjon i dokumentet, blant anna med omsyn til utstyr på systema og endringar i infrastrukturen.
- Service agreement concerning integrity management of Snøhvit pipeline system (referanse 8 i dokumentlista)
- Vi observerer at dokumentet ikkje er oppdatert på mange år og at informasjonen som står der ikkje er i samsvar med slik infrastruktur og forhold er i dag.
- Mottekne teikningar (P&ID og ISO) av subseaanlegg, røyr, landfall og piggearrangement
- Vi observerer at dokumentasjonsgrunnlaget ikkje er oppdatert med omsyn på utstyr som er fjerna eller modifisert og nye tilkoplingar.
- Sandstrategi som ikkje er fult ut implementert på
Vi meiner at eksempla ovanfor, som omfattar stikkprøvar i eit avgrensa område, viser at det er manglar ved kvalitetssikringa av styrande dokumentasjon.
Hjemmel
Henvisning til annet regelverk
Styring av vedlikehald
Beskrivelse
Manglar ved styring av vedlikehaldet for Hammerfest LNG og Snøhvit
Begrunnelse
Gjennom tilsynsaktiviteten har vi bedt om status for vedlikehald for Hammerfest LNG og Snøhvit røyr og undervassanlegg, stilt spørsmål ved konkrete vedlikehalds-aktivitetar, og gjort verifikasjonar i vedlikehaldssystemet og i eit avgrensa område ved landfall, mot piggesluser og i slugcatcherområdet. Gjennom verifikasjonane har vi avdekka fleire eksempel på manglande oppfølging av vedlikehald, både i anlegget og i vedlikehaldssystemet:
• Arbeid på røyrinnfesting for hovudrøyr (P141) i landfallsområdet var ikkje ferdigstilt (blant anna manglande kontramutrar og isolering), dette var ikkje registrert i vedlikehaldssystemet.
• Manglande oppfølging av degraderingar knytt til CP-system frå inspeksjonsrapportar og verifikasjon i anlegget – blant anna integritet for målepunkt, kabling for målepunkt, korroderte punkt.
• For strukturelement / røyrstøtter observerer vi degraderingar av overflatebeskyttelsen som ikkje er registrert i vedlikehaldssystem.
Vi ba om oversikt over vedlikehald for Hammerfest LNG og for Snøhvit inkludert røyr og undervassanlegg. Vi fekk ein generell oversikt som viser etterslep på vedlikehald, men ikkje ein eigen som har skilt ut røyr og subsea. Den generelle oversikten for anlegget viser at det er ei rekke jobbar med kritikalitet høg (for HMS) som er gått ut på dato. Det er og ein del her som er handtert med avvik (DISP). For korrektivt vedlikehald er det ei større portefølje av uprioritert vedlikehald.
Hjemmel
Barrierestyring
Beskrivelse
Manglande oversikt over konsekvensar (og oppfølging) av svekkingar knytt til
undervassinfrastruktur
Begrunnelse
I tilsynsaktiviteten har vi følgt opp korleis operasjonane blir overvaka og følgt opp frå
brønnar, gjennom røyr og inn til landanlegget. Ved gjennomgang av dokumentasjon,
samtalar og presentasjonar, verifikasjonar i anlegg og vedlikehaldssystem, og
gjennomgang i kontrollrom så har vi identifisert svekkingar og manglar knytt til røyr
og undervassinfrastruktur som til dømes:
• lekkasjedetektorar som gir feilalarm eller ikkje fungerer slik dei er tiltenkt
• sanddetektorar som gir feilalarm eller ikkje fungerer slik dei er tiltenkt for deler
av undervassinnretningane
• flowmålarar som gir feilalarm eller ikkje fungerer slik dei er tiltenkt
Hammerfest LNG og Snøhvit har ein kompleksitet som gjer at det er viktig å ha gode
vurderingar av totalrisikoen. Vi meiner det er svakheiter og manglar med fleire
utstyrskomponentar som skal vere med å gi oversikt over driftsforhold og følgje opp
integriteten for infrastrukturen. Vi kan heller ikkje sjå at det i tilstrekkeleg grad er
risikovurdert, avvikshandtert eller implementert kompenserande tiltak.
Hjemmel