Gassco og Equinor - Norne - Heidrun – gassrøyrsystem

Oppfølging og verifikasjonar

Beskrivelse

Manglar ved oppfølging av styringssystem og vurdering av behov for og omfang av verifikasjonar, metode for og grad av uavhengigheit i verifikasjonen

Begrunnelse

Gjennom verifikasjonar av styrande dokumentasjon og i system såg vi på kravdokument og dokumentasjon av utførte aktivitetar. Eit av dokumenta som var vist til som relevant for innvendig inspeksjon var Equinor dokument TR2175 - Pipelines Pig. Av innhaldet i dokumentet går det fram at dette er gyldig for reinsepigging og ikkje innvendig inspeksjon. Det vart i tilsynet informert om at deler av dokumentet vart nytta ved innvendige inspeksjonar.

Vi vart i tilsynet informert om krav i Equinor til verifikasjon av samanstilling og dimensjonsmåling av innvendig inspeksjonsverktøy og forspenning av boltar før det blir sendt. Det vart spurt om det var spesielle krav til utføring og rapportering. Vi har så langt ikkje motteke noko dokumentasjon på krav, rapportering eller utførte aktivitetar.

Vi fekk ein oversikt frå Gassco av relevante oppfølgingsaktivitetar knytt til røyrleidningar og innvendig inspeksjon. Frå Equinor fekk vi ein oversikt over TIMP-karakterar for PS1 for dei aktuelle røyrleidningssystema i tilsynet. Vi fekk og presentert korleis Equinor følgjer opp integriteten til røyrleidningssystema. Det vart informert om at dei aktuelle røyra; Norne-Åsgard Transport T, Heidrun - Åsgard transport T og Haltenpipe ikkje er ein del av TTS-verifikasjonar i Equinor.

Vi har i tilsynet observert at det er manglar knytt til oppfølging av kravdokument og utførte aktivitetar knytt til innvendige inspeksjonar. Vidare observerer vi at det er lite eigne formelle verifikasjonsaktivitetar eller vurdering av behov for uavhengige verifikasjonar.

Hjemmel

• Rammeforskriften § 19 - Verifikasjoner

  (sist endret: 01.01.2011)

• Styringsforskriften § 21 - Oppfølging

  (sist endret: 01.01.2011)