Gassco – Kollsnes - landfall og mottaksanlegg for røyrleidningar

Grensesnitt

Beskrivelse

Samordning av planar, ansvar og beslutningar

Begrunnelse

I tilsynet gjorde vi oppfølging av grensesnitt mellom landdelen og offshoredelen av anlegget og røyrleidningane, mellom Gassco Kollsnes landanlegg og Gassco transportnett, og mellom Equinor for landanlegget og Equinor transportnett. Vi ba om å få oversendt grensesnittavtalen mellom Equinor landanlegg og transportnett for ansvar og grensesnitt for røyrleidningane; ‘’Grensesnittavtale mellom Prosessanlegg Sture & Kollsnes og Transportnett for drift….’’ . Vi registrerer at overskrifta i dette dokumentet ikkje ser ut til å dekke eksportgassrøyra Zeepipe II A og B (P55 og P56), men i dokumentet ser dei delvis ut til å vere med. I del 3.1 tabell over grensesnitt og ansvar er blant anna P55 og P56 ikkje med, så det ser ut til å vere manglande samordning i dokumentet.

Vi vart informerte om ein observasjon av utvendig korrosjon på Zeepipe II B-røyret i skvalpesona mellom der landanlegget har ansvar og der transportnett røyr har ansvar. Ut i frå det vi vart informert om så var observasjonen av korrosjonen gjort ved ein tilfeldig observasjon framfor ein observasjon knytt til eit planvedlikehald av dei aktuelle røyra i dette grensesnittet.

For Kvitebjørn gassrøyr spurde vi etter informasjon om isolasjonselement mellom sjørøyr og landrøyr. Det aktuelle elementet var ikkje merka i anlegget og ved verifikasjon i systemet vart vi informert om at det var gjort nokre små observasjonar under inspeksjon som det var noko uklarheit i kvar ein skulle registrere i vedlikehaldssystemet (landanlegget eller transportnett røyr).

Hjemmel

• Styringsforskriften § 11 - Beslutningsgrunnlag og beslutningskriterier

  (sist endret: 01.01.2011)

  , tredje ledd

• Styringsforskriften § 12 - Planlegging

  (sist endret: 01.01.2011)

  , siste ledd