Organisering
Beskrivelse
Vurdering av relevante parametrar for omorganisering og kompetanse tilgjengeleg ser ut til å vere mangelfull.
Begrunnelse
Vi har i tidlegare tilsyn og i dette tilsynet blitt informert om pågåande omorganiseringer over fleire år i Shell. Dette er prosessar som er krevjande for organisasjonen som driftar anlegget og for støttefunksjonar på Nyhamna og andre lokasjonar. Det er og krevjande både for leiinga, for arbeidstakarar og for verneteneste. I prosessar med omorganisering er det sentralt at nødvendige arbeidsoppgåver og arbeidsomfang blir identifisert og at det blir teke omsyn til faktiske årsverk i organisasjonen. Det er funksjonar/rollar ved Nyhamna og for støttefunksjonar der personell ikkje får kompensert for timar arbeida utover normal arbeidstid. Det er per i dag ikkje eit system for å registrere reelt arbeida timar for kvar funksjon.
Omorganiseringsprosessar kan skape usikkerheit blant arbeidstakarar og i organisasjonen. Pågåande prosessar kan stille krav til tilgjengelege ressursar innan personellhandtering, organisasjonskompetanse, personaloppfølging og liknande. Gjennom tilsynet fekk vi ei oppfatning av at det kan vere meir krevjande å nytte ressursar som ikkje er fysisk på anlegget. I tillegg kan det og vere språklege utfordringar som kan gi redusert bruk av slike funksjonar og eventuelle mistydingar.
Hjemmel
Dokumentasjon av arbeidsmiljøforhold og oppfølging av leverandørar
Beskrivelse
Dokumentasjon av arbeidsmiljøforhold og oppfølging av leverandørar ser ut til å vere mangelfull.
Begrunnelse
Ved verifikasjon i anlegget observerte vi pågåande arbeid i B460 kompressorbygg knytt til overflatebehandling på kompressor i drift. Vi vart i tilsynet informert om støymålingar gjort i både kompressorhus B460 og B470 i august 2020. Støybildet i B460 varierer sterkt med kvar ein er i kompressorhuset og driftsmodus for kompressor. Målingane frå august 2020 viser relativt høge støynivå, men i følgje Shell medførte det ikkje krav om nokon særskilde tiltak med omsyn på avgrensingar i opphald / arbeidstid.
Vi etterspurde i tilsynet ei totalvurdering av støy i rommet og eigenindusert støy. Det vart forklart at ein i periodar var utstyrt med støydosimeter og at det var eit dynamisk støybilete i området, men i følgje Shell var ikkje nye offisielle støymålingar utført før 24. november 2020. Dei viste betydeleg høgare støynivå enn målingane frå august og vil for arbeid i enkelte områder medføre begrensingar i opphald / arbeidstid. Det var på tilsynstidspunktet uklart korleis støymålingane var handsama formelt i Shell og korleis dei aktuelle krava vart synleggjort og nytta i planlegging, utføring og oppfølging av jobbar. I tilsynet ba vi om ei forklaring på korleis Shell sikrar seg og følgjer opp at leverandørar jobbar i henhold til aktuelle krav til støy som gjeld og korleis eventuelle begrensingar i opphald blir dokumentert. Vi mottok ikkje noko dokumentasjon på dette i tilsynet.
Hjemmel
Styring av aktivitetar
Beskrivelse
Styring og planlegging av aktivitetar ser ut til å vere mangelfull
Begrunnelse
Gjennom presentasjonar, deltaking i møter, verifikasjonar i styringssystem og samtalar gjekk vi gjennom styring av aktivitetar på kort og lengre sikt, både driftsoppgåver og prosjekt. Det vart vist redusert planoppnåing for veka før tilsynet. Vi observerte flytting av enkelte aktivitetar i tid. Redusert planoppnåing viste seg å ikkje berre vere knytt til veka før tilsynet. Ut i frå informasjon vi fekk i tilsynet så er det erfaringar med redusert planoppnåing på hausten framfor tidlegare på året.
Norske Shell har hatt og har ein ambisjon om å ha ein forutsigbar arbeidskvardag. Uforutsette hendingar, ujamn arbeidsbelastning og redusert planoppnåing kan gjere det utfordrande å oppnå dette målet.
Hjemmel
Avsperring av område
Beskrivelse
Barrierar og sikkerheitsskilting ser ut til å vere mangelfull
Begrunnelse
Ved verifikasjon i anlegget observerte vi avsperringar med sperreband i bygg B340. Det var pågåande arbeid på elektromotor og den var stengt ned. Ved enkelte stillasoppgangar/-entringar hang det sperreband over rekkverk som advarte mot høyspenning. Ved andre stillasoppgangar/-entringar var denne merkinga delvis fjerna ved at den var løsna i eine enden og muleg å passere forbi sperringen. Vi vart informert om at utføringa av sperringa ikkje var i samsvar med krav til sperringar i Shell.
Hjemmel