Mangelfull merking i anlegget
Beskrivelse
Avviksbehandling av arbeidsomfang for merking av røyrsystem i anlegget
Begrunnelse
I Ptil sin granskingsrapport av naftalekkasje ved anlegget 24. august 2020 så var det påpeikt at det var manglar ved merking av røyrsystem i anlegget med omsyn på til dømes medium, retning for straum med meir. I Esso si tilbakemelding til Ptil sin granskingsrapport vart det informert om at selskapet trengte noko tid på å finne rett metode og utforming og at det var mest hensiktsmessig å gjennomføre denne aktiviteten i sommarhalvåret. Det vart etablert ein aksjon med frist til utløp av tredje kvartal i 2021 (innan utløp av september 2021) for å gjennomføre tiltaka.
Etter at det i april 2021 vart beslutta å stenge ned raffineridelen ved anlegget med
påfølgjande nedstenging i juni 2021 så endra føresetnadane seg for merking av anlegg i onsitedelen. Dette medfører eit endra arbeidsomfang i forhold til det som opprinneleg var planlagt. Det er sentralt at det som er av røyrføring som skal driftast vidare innimellom infrastruktur som skal avviklast er tilstrekkeleg merka. I tilsynet etterspurte vi informasjon om arbeidsomfanget var endra, om det var konkrete planar for gjennomføring av arbeidet innan utløp av september eller om det då eventuelt var gjennomført noko avviksbehandling av endring i arbeidsomfang og eventuell tidsfrist. I tilsynet fekk vi ikkje klare tilbakemeldingar på dette. I etterkant av tilsynet fekk vi tilbakemelding om at merking av gjenståande prosessutstyr i drift skal gjennomførast innan 1. oktober 2021. For resten av anlegget så var fristen sett til 30. november 2021 med å utarbeide ein vidare plan med frist for utføring til tredje kvartal 2022. På tilsynstidspunktet var det ikkje gjennomført noko formell avviksbehandling av jobben med merking.
Hjemmel
Styrande dokumentasjon
Beskrivelse
Mangelfull formalisering og oppdatering av styrande dokumentasjon
Begrunnelse
Det vart etterspurt formell dokumentasjon blant anna for endring av inspeksjon og vedlikehald for onsitedelen, krav til dokumentasjon for utstyr som blir teke ut av drift og oppdatert dokumentasjonsgrunnlag for utstyr som blir teke ut av drift. I tilsynet mottok vi dokumentet Slagen Refinery Decommissioning & demolition Basis Memorandum June 2021. På tilsynstidspunktet var det uklart kva formell status dette dokumentet har med omsyn på revisjonsstatus, revisjonsansvarlege med meir.
Vidare så gjorde vi verifikasjonar av spesifikke dokument, blant anna: Verneinstruks 16, Slagenraffineriet, Asbest og andre isolasjonsmaterialer, SLR-OIMP-5.1-016 – rev.nr 2.0 Retentioncode: OIM1020 IND MIN4. For verneinstruks 16 var det krav til årleg oppdatering av oversikt over og status på asbest i anlegget. Ut i frå dokument som vart vist til oss i tilsynet så var ikkje dette dokumentet oppdatert sidan 2018. Etter verifikasjonen på Slagentangen mottok vi e-post som viste revisjonsstatus for dokument gjennomgått i tilsynet. Den viste at verneinstruks 16 hadde sin siste revisjon i 2018 med administrative oppdateringar i 2020 og 2021. Etter tilsynet er det gjort ein revisjon av dokumentet (2.9.2021).
Dei to dokumenta ovanfor er eksempel på dokumentasjon som ikkje er formalisert og oppdatert i styringssystem / system for dokumentasjon.
Hjemmel
Strategi for inspeksjon og vedlikehald
Beskrivelse
Manglar ved strategi for inspeksjon og vedlikehald av utstyr som skal driftast vidare i onsitedelen og utstyr som skal ut av drift i same område.
Begrunnelse
Saman med beslutninga om å avvikle raffineridelen er det sentralt at det er etablert prosessar og at det er planar for rett vedlikehald og inspeksjon av utstyr og system, inkludert rett klassifisering, tilstandsvurdering, preservering, og gjenverande risiko. Slik vi har blitt forklart i tilsynet så har ein etter beslutninga om å stange ned raffineridelen, hatt fokus på å handtere personell og stenge raffineriet. Uavhengig av kva fasar ein er i av verksemda så skal program for vedlikehald vere tilpassa aktuell situasjon på anlegget og vere oppdatert. Vi etterspurte planar for oppfølging av anlegget i drift etter avvikling av raffineridelen. I denne samanheng vart det meir konkret spurt etter strategi for vedlikehald / inspeksjon av utstyr som skal driftast vidare i onsitedelen og utstyr som skal ut av drift i same område. Det var ikkje etablert planar for dette på tilsynstidspunktet, men i etterkant har vi blitt informert om at det skal utarbeidast ein plan for oppdatering av strategiar og planar innan 30. november 2021.
Hjemmel