Wintershall Dea - samtykke til bruk av Island Constructor

Dvalin

Dvalin ligg i den sentrale delen av Norskehavet, 15 kilometer nordvest for Heidrun. Feltet består av tre separate førekomstar; Dvalin Øst (påvist i 2010), Dvalin Vest (påvist i 2012) og Dvalin Nord (påvist i 2021). Havdjupna er mellom 340 og 400 meter. Plan for utbygging og drift (PUD) for Dvalin Øst og Vest blei godkjent i mars 2017. Utbyggingskonseptet er ei havbotnramme med fire gassprodusentar kopla til Heidrun-plattforma. Produksjonen starta i 2020.

PUD for Dvalin Nord blei godkjent i juni 2023 og inkluderer ei havbotnramme med tre produksjonsbrønnar. Dvalin Nord er under utbygging med planlagt produksjonsstart i 2026.

Kjelde: norskpetroleum.no

Maria

Mariafeltet ligg på Haltenbanken i Norskehavet, 25 kilometer aust for Kristin. Havdjupna i området er 300 meter. Maria blei påvist i 2010, og plan for utbygging og drift (PUD) blei godkjent i 2015. Feltet er bygt ut med to havbotnrammer. Det er fem produksjons- og to injeksjonsbrønnar på feltet. Produksjonen starta i 2017.

Kjelde: norskpetroleum.no

Nova

Novafeltet ligg i den nordlege delen av Nordsjøen, 17 kilometer sørvest for Gjøa. Havdjupna i området er 370 meter. Nova blei påvist i 2012, og plan for utbygging og drift (PUD) blei godkjent i september 2018. Utbyggingsløysninga består av to havbotnrammer, ei for oljeproduksjon og ei for vassinjeksjon, kvar med tre brønnar knytt til Gjøa-innretninga. Produksjonen starta i 2022.

Kjelde: norskpetroleum.no

Vega

Vegafeltet ligg i den nordlege delen av Nordsjøen, 28 kilometer vest for Gjøa. Havdjupna i området er 370 meter. Feltet er bygt ut med tre havbotnrammer knytt til prosessanlegget på Gjøa-innretninga. Produksjonen starta i 2010.

Kjelde: norskpetroleum.no