Operatør: Aker BP
Innretningar: Valhall Flanke Vest, Valhall Flanke Sør, Valhall Flanke Nord, Hod A og B og Tambar
Anna info: samtykket omfattar bruk av fartøy med gangbru på normalt ubemanna innretningar (NUI), der formålet er å testa ut og få erfaringar med fartøy med gangbru (W2W) som ein del av driftskonseptet for desse innretningane.
Valhall
Valhall ligg i den sørlege delen av norsk sektor i Nordsjøen. Havdjupna er 70 meter. Valhall blei påvist i 1975, og opprinneleg plan for utbygging og drift (PUD) blei godkjent i 1977. Feltet blei opprinneleg bygt ut med tre innretningar for bustad (QP), boring (DP) og prosessering (PCP). Produksjonen starta i 1982.
PUD for Valhall brønnhovudinnretning (WP) og Valhall vassinjeksjonsinnretning (IP) blei godkjent i henhaldsvis 1995 og i 2000. Innretningane er bundne saman med bruer. PUD for to brønnhovudinnretningar på nord- og sørflankene blei godkjent i 2001. PUD for Valhall vidareutvikling vart godkjent i 2007. Den omfatta ei bustad- og prosessinnretning (PH) som erstatta aldrande innretningar på feltet. PUD for Valhall Flanke Vest blei godkjent i 2018. Den omfattar ei brønnhovudplattform som vanlegvis er ubemanna.
Kjelde: norskpetroleum.no
Hod
Hod ligg i den sørlege delen av norsk sektor i Nordsjøen, 13 kilometer sør for Valhall. Havdjupna er 72 meter. Hod blei påvist i 1974, og plan for utbygging og drift (PUD) blei godkjent i 1988. Produksjonen starta i 1990 og vart avslutta i 2013.
PUD for reutbygging av Hod blei godkjent i 2020. Utbygginga omfattar ei ubemanna brønnhovudinnretning (Hod B) knytt til Valhallfeltet. Produksjonen frå Hod B starta i 2022.
Kjelde: norskpetroleum.no
Tambar
Tambar ligg i den sørlege delen av norsk sektor i Nordsjøen, 16 kilometer søraust for Ula. Havdjupna er 68 meter. Tambar blei påvist i 1983, og plan for utbygging og drift (PUD) blei godkjent i 2000. Feltet er bygt ut med ei fjernstyrt brønnhovudinnretning utan prosessutstyr. Produksjonen starta i 2001.
Kjelde: norskpetroleum.no