Floatel Superior
Floatel Superior er ei dynamisk posisjonert (DP-3) halvt nedsenkbar innretning med bustadmodul akterut og opent arbeidsdekk forut.
Flotellet har plass til 440 personar i enkeltlugarar når den opererer på norsk sokkel.
Grane
Grane ligg i den midtre delen av Nordsjøen, like aust for Balder. Havdjupna er 128 meter. Grane blei påvist i 1991, og plan for utbygging og drift (PUD) blei godkjent i 2000. Feltet er bygt ut med ei integrert bustad-, bore- og prosessinnretning med stålunderstell. Innretninga har 40 brønnslissar. Produksjonen starta i 2003.
Equinor - samtykke til bruk av Floatel Superior på Grane
Petroleumstilsynet (Ptil) har gitt Equinor Energy (Equinor) samtykke til bruk av den flyttbare bustadinnretninga Floatel Superior på Grane frå 1. april 2022.
Publisert:
24. januar 2022
- Bruk av innretning