Samtykket omfattar brønnoverhaling i brønn 34/8-D-2 HT2 på Visundfeltet i Nordsjøen.

Arbeidet skal etter planen starte i byrjinga av april 2019, og er venta å ta 32 dagar.

Transocean Equinox er ei halvt nedsenkbar boreinnretning av CAT-D-typen, eigd og driven av Transocean. Innretninga heit før Songa Equinox, og fekk samsvarsfråsegn frå Ptil i 2015.

Visund

Visundfeltet ligg i den nordlege delen av Nordsjøen, nordaust for Gullfaks. Havdjupna er 335 meter. Visund blei påvist i 1986, og plan for utbygging og drift (PUD) blei godkjent i 1996. Feltet er bygt ut med ei halvt nedsenkbar integrert bustad-, bore- og prosessinnretning (Visund A) og ei havbotninnretning i den nordlege delen av feltet. Produksjonen starta i 1999. 

Kjelde: norskpetroleum.no