Equinor har søkt om samtykke til forlenga levetid fram til 30. juni 2036.
Samtykke til forlenga levetid føreset at operatøren har forvissa seg om at innretningar, røyrleidningar og utstyr er i slik tilstand at dei heile tida kan opererast sikkert og i samsvar med krava i regelverket.
Vi finn at Equinor har gjennomført dei naudsynte vurderingar og undersøkingar for å forvisse seg om dette.
Vi har nå gitt Equinor samtykke slik det vart søkt om.
Gullfaks
Gullfaksfeltet ligg i Tampen-området i den nordlege delen av Nordsjøen. Havdjupna i området er 130-220 meter. Gullfaks blei påvist i 1978, og plan for utbygging og drift (PUD) for Gullfaks fase I blei godkjent i 1981. PUD for Gullfaks fase II blei godkjent i 1985. Produksjonen starta i 1986. Feltet er bygt ut med tre integrerte prosess-, bore- og bustadinnretninger med betongunderstell (Gullfaks A, B og C).
Kjelde: norskpetroleum.no