Wellesley er operatør for utvinningsløyve 925. Vi har no gitt selskapet samtykke til å bore leitebrønn 35/12-7, kor målet er å undersøka eit leiteprospekt kalla «Serin».

Brønnen ligg i Nordsjøen og borelokasjonen vil ha dei geografiske koordinatane:

  • 61° 09' 0.6457'' N
  • 03° 40' 5.7120 ''A

Boringa er planlagd starta i juni 2018 med ei varigheit på om lag 26 dagar, avhengig av funn.  

Brønnen skal borast med Transocean Arctic, som er ei halvt nedsenkbar boreinnretning av typen Marosso 56, bygd ved Mitsubishi Heavy Industries i Japan i 1987. Ho har klasse i DNV GL og er registrert på Marshall Islands.

Innretninga er operert av Transocean Ltd, og fekk samsvarsfråsegn frå Ptil i juli 2004.