I juni 2018 søkte Okea om å overta Norske Shell sine eigarandelar i Draguen og bli operatør på feltet.
Okea har no søkt oss om samtykke til bruk av innretningane på Draugen. Vi har gitt samtykke til dette.
Brukssamtykket omfattar produksjonsinnretninga med tilhøyrande brønnar, havbotnanlegg med tilhøyrande brønnar, feltrøyrleidningar, oljelastesystemet og røyrleidning for gasseksport.
Draugen
Draugen ligg i den sørlege delen av Norskehavet. Havdjupna i området er 250 meter. Draugen blei påvist i 1984, og plan for utbygging og drift (PUD) blei godkjent i 1988. Feltet er bygt ut med ei botnfast betonginnretning med integrert dekk, og har både plattform- og havbotnbrønnar. Stabilisert olje blir lagra i tankar i sokkelen på innretninga. To røyrleidningar går frå innretninga til ei flytande lastebøye. Produksjonen starta i 1993.
Kjelde: norskpetroleum.no