Faroe Petroleum er operatør for utvinningsløyve 740 i Nordsjøen. Vi har no gitt selskapet samtykke til å bore leitebrønn 31/7-3 S («Brasse Øst»). Målet med brønnen er å avgrensa funnet 31/7-1 Brasse.
Brønnen skal borast i blokk 31/7 aust for Osebergfeltet i den midtre delen av Nordsjøen.
Dei geografiske koordinatane for lokasjonen er:
- 60° 26’ 17.508” Nord
- 03° 03’ 43.491” Aust
Havdjupna på staden er om lag 124 meter.
Boreoperasjonane startar tidlegast i oktober 2018 og er venta å vare i minst 38 dagar.
Brønn 31/7-3 S skal borast med Transocean Arctic, som er ei halvt nedsenkbar boreinnretning av typen Marosso 56, bygd ved Mitsubishi Heavy Industries i Japan i 1987. Ho har klasse i DNV GL og er registrert på Marshall Islands.
Innretninga er operert av Transocean Ltd, og fekk samsvarsfråsegn frå Ptil i juli 2004.