Aker BP er operatør for utvinningsløyve 659 i Barentshavet. Vi har no gitt selskapet samtykke til å bore leitebrønn 7221/12-1 for å undersøka eit prospekt dei kallar «Svanefjell», om lag 65 kilometer nord-nordaust for Snøhvitfeltet.
Planlagt oppstart er i april 2018.
Borelokasjonen vil ha dei geografiske koordinatane:
- 72° 08' 18.679 " N
- 21° 55' 50.315" A
Havdjupna på staden er 345 meter.
Brønnen skal borast med den flyttbare boreinnretninga Deepsea Stavanger.
Deepsea Stavanger er ei halvt nedsenkbar flyttbar boreinnretning av typen GVA 7500, bygd i Sør-Korea i 2010. Ho er eigd og operert av Odfjell Drilling. Vi gav samsvarsfråsegn (SUT) til Deepsea Stavanger 16. mars 2017.