Aker BP er operatør for utvinningsløyve 659 i Barentshavet. Vi har no gitt selskapet samtykke til å bore avgrensingsbrønn 7222/10-1, om lag 65 kilometer nord-nordaust for Snøhvitfeltet. Målet med boringa er å avgrense funn 7221/12-1 («Svanfjell»).
Planlagt oppstart er i mai 2018.
Borelokasjonen vil ha dei geografiske koordinatane:
- 72° 06' 34.4121 " N
- 22° 10' 36.3818 " A
Havdjupna på staden er 357 meter.
Brønnen skal borast med den flyttbare boreinnretninga Deepsea Stavanger.
Deepsea Stavanger er ei halvt nedsenkbar flyttbar boreinnretning av typen GVA 7500, bygd i Sør-Korea i 2010. Ho er eigd og operert av Odfjell Drilling. Vi gav samsvarsfråsegn (SUT) til Deepsea Stavanger 16. mars 2017.