Jettefeltet ligg i den sentrale delen av Nordsjøen, om lag seks kilometer sør for Jotunfeltet. Havdjupna er 127 meter. Jette blei påvist i 2009, og plan for utbygging og drift (PUD) blei godkjent i 2012. Feltet blei bygd ut med ei bunnramme med to produksjonsbrønnar knytt til Jotun A-innretninga.
Produksjonen blei avslutta i desember 2016.
Arbeidet med å fjerne innretningar på Jettefeltet er planlagt å starte sommaren 2018 og vil fortsette i 2019 og 2020, etter at brønnane er permanent plugga.
Vi har gitt Aker BP samtykke til fjerning slik selskapet har søkt om.