Statoil fekk i juni 2016 delsamtykke frå Ptil til å ta i bruk bustadkvarter, kraner, røyrleidningar og andre deler av Gina Krog-innretninga som var naudsynte for aktivitetar i fasen fram til produksjonsstart.

Vi har nå gitt Statoil samtykke til å ta i bruk produksjonsanlegget på innretninga med tilhøyrende røyrleidningssystem. Dette omfattar gasseksportrøyrleidninga mellom Gina Krog og Sleipner A, oljeeksportrøyrleidninga mellom Gina Krog-innretninga og lagerinnretninga Gina Krog FSO, og gassimportrøyrleidninga frå Zeepipe IIA til GIna Krog.

Samtykket omfattar òg anlegg for å ta imot framtidig kraft frå land.

Gina Krog

Gina Krog-feltet ligg på Utsirahøgda i den midtre delen av Nordsjøen, like nord for Sleipner Vest. Havdjupna i området er 110-120 meter. Gina Krog blei påvist i 1978, og plan for utbygging og drift (PUD) blei godkjent i 2013. Utbyggingsløysninga er ein kombinert bustad- og prosessplattform. Ein oppjekkbar rigg blir brukt til boring. Produksjonen starta i 2017.

Kjelde: norskpetroleum.no

Søknad frå Statoil om å ta i bruk lagerinnretninga Gina Krog FSO er under handsaming hos oss.